مقام سرعسكري
مكتوب قلمى
خصوصى
التنجى اوردو مشيريت جليله‌سيندن مورود في ۱۸ تشرين أول سنه ۳۱۱ تاريخلو تلغرافنامه‌ده انكليزلرك زباره‌يى طوپه طوتملريندن جاسم الثانينك بو دفعه دخى دوچار ايدلديكي خسارات عظيمه‌نك تضمين ايتديرلمسينه حكومت سنيه توسط ايتمديكي تقديرده انكليزلرك حمايه‌سينه كيره‌رك عصيان سوداسنده بولنه‌جغى ضن اولنمقده ايدوكندن قطره بر حب سفينه‌سنك بولنمه‌سى شدتله احتياج حاصل اولديغى وسائر نجد عشايرينك شمديلك حكومت عليه‌نده بولنمه‌لرى مأمول اولميوب ابن رشيدك دخى عشاير بيننده استحصال امنيت مقصديله نجد مشايخيله مقاوله ايچون معتمدلردن بش نفرى متصرفه كوندرمش اولديغى ونتيجه‌سنى بيلدريله‌جكي نجد قوماندانليغى طرفندن اشعار اولديغى ازبار وشولره‌ده عجلاً بر حرب سفينه‌سنك قطرده بولنه‌رق احوالى تفتيش وتحقيق ايلمسى مناسب اوله‌جغى علاوةً تذكار قلنمش وصورت اشعاره نظراً ايجاب حالك اجراسى ضمننده اركان حربيه دائره‌سى افاده‌سيله باب عالى‌يه تبليغات ايفاسى دردست بولنمش اولمغله اولبابده امر واراده افندم حضرتلرينكدر.
سرعسكر رضا
في ۱۴ جمادى الأول سنه ۳۱۳ وفي ۲۱ تشرين أول سنه ۳۱۱
BOA: Y.PRK.ASK_107_85