موجبنجه عمل اولونه هر كيم خط همايونى سعادتمقرونى فسخ ايدر ايسه اللهك لعنتنه اوغراسون ديو عنواننه صادر اولان خط همايوندر
بعون الله تعالى حضرت رسول اكرم حرمتيله مقام قسطنطينية فتح اولدقده اطراف واكنافده اولان شاهلر وقراللر آستانهٔ سعادتمه الچيلر كلوب فتح فتوحى عرض ايدوب بو دفعه قدس شريفده اولان روملرك پطريقي اطناسيوس نام راهب رهبانلريله كلوب آستانهٔ سعادتمه يوز سوروب حضرت رسول اكرم صلى الله عليه وسلم حضرتلرينك مبارك اليليه وپنچه‌سيله امضالو اولان خط همايونلرى خط همايونلرى حضرت عمر بن خطاب رضي الله عنه ويريلان خط كوفى ايله وسلاطين ماضيه‌دن خط همايونلرى ابراز ايدوب ورجا ايلدى قدس شريف ايجرو وطشره‌سنده نمازلرى وزيارتلرى كالاول حضرت رسول اكرم صلى الله عليه وسلم حضرتلرينك وحضرت عمر وسلاطين ماضيه‌دن احسان اولنان خط همايونلرى موجبنجه ضبط وتصرف ايليه‌لر قديمدن فرمان اوزره اولان ايچرو اولان قمامه ايله جميع نمازكاهلرى وزيارتكاهلريله وكورجى مناسترى اولان مير ياقوب قدس شريف وطشره‌سنده اولان مناسترلر وكليسالر وحضرت عيسى طوغدى بيت لحم كليساى كبرى ومغاره وكليساده اولان اوچ قابو مفتاحلريله شمال وقبله وغربى طرفندن وايچنده اولان جميع ملت نصرانى قدس شريف پطريقلرى ياماقلرى لو وقف اولان اشيالرى فريمانم اولدوغى اوزره رنجيده اولنميه ايمدى حضرت رسول اكرم وحضرت عمر وسلاطين ماضيه‌دن احسان اولنان خط همايونلرى موجبنجه جناب جلادتم دخى صدقه واحسان وفرمان عاليشانم اولمشدر تصرفمده وحكممده اولان مملكتلر اكر درياده واكر قره‌ده حاكم الوقت اولنلر قدس شريف پطريقى ورهبانلرى مزبورلره حمايت وصيانت وآخردن كمسنه رنجيده ايلميه‌لر اكر بوندن صوكره كلان خليفه‌لر ووزراى عظمامدن وعلمادن واهل عرفدن وقپوم قوللرندن واهل عرفدن وسائر امت محمددن اقچه ايچون وياخود خاطر ياچون نسخنه مارد ايدرلرسه اللهك وحضرت رسولك خشمنه اوغراسون ديو سنه اثنى وستين وثمان مائة تاريخيله فاتح سلطان محمد خان حضرتلرينك كوننده ويريلان امر شريفدر
AE.SMMD.II.1.22