ضبطيه نظارت جليلەسنه
نومرو 100
سعادتلو افندم حضرتلرى
تقسيم أراضى مسئلەسندن طولايى جبل غربى سنجاغنه تابع فساطو قضاسى اهاليسيله قضاى مذكور داخلنده رجبان قبيلەسندن ميانەلرنده وقوع گلن مقاتلەده فساطو اهاليسندن اون اوچ نفر مقتول ويگرمى درت نفر مجروح ورجبان قبيلەسندن اون ايكى نفر مقتول ودرت نفر مجروحكه جمعاً يگرمى بش مقتول ويگرمى سكز مجروح قالديغى جبل غربى پوليس قوميسرلكندن وقوعبولان إشعار اوزرينه معروضدر اولبابده حضرت من له الأمركدر
في 11 كانون ثانى سنه 324
طرابلس غرب ولايتى پوليس مديرى
[شكرى شعبان]