تونسك علما واشرافى طرفندن واسطهٔ عبيدانه‌مله حضور مراحم نشور حضرت خلافتپناهيلرينه تقديم اولنمق اوزره بر عرضحال كوندلمش اولنديغندن لفاً تقديمنه اجترا قلندى مندرجاتى دوچار اولدقلرى بليهٔ استيلادن تخليصلرى ايچون فرياد وفغان واستمداددن عبارتدر كنديلرى فرانسزلردن فوق العاده قورقدقلرى ايچون شايد اله كچر وطوييلور خوفيله عرحالده امضالرينى تصريح ايده‌مامش ايسه‌لرده عرضحال معروضك متخيران رجال مملكت طرفندن تنظيم اولنديغى موثوقاً خبر ويرلمكده اولديغى رهين علم عالىٔ حضرت خلافتپناهيلرى بيورلرق اولبابده وقاطبهٔ احولده امر وفرمان من له الامر والاحسان افندمز حضرتلرينكدر
فى 2 جمادى الاولى سنه 306
فى 27 كانون اول سنه 304
عبد مملوكلرى