صدارت عظمى مكتوب قلمى
1608
10 جمادى الآخره سنه 321
20 اغسطس سنه 319
داخليه نظارت جليله‌سينه
ارض فلسطينده يرلشمش ودخول وقبوللرى غير ممنوع بولنمش اولانلردن ماعدا عثمانلى واجنبى موسويلره قطعياً املاك واراضى صاتمامسى واورالرده املاك واراضى اشتراسندن ممنوع اولان بعض كسانك اشترا ايلدكلرى املاك واراضى‌یى اول امرده مواضعه صورتيله شونك بونك نامنه قيد ايديره‌رك مؤخراً بر صورتله كنديلري مزبور سائر مهاجرين موسويه ذمتلرينه كچملرينه ميدان ويرلمامسي ومتفرعاتى حقنده جريان ايدن مذاكراتى حاوى شوراى دولت ملكيه دائره‌سندن اعطا اولنان 19 جمادى الاولى سنه 321 تاريخلى و1608 نومرولو مضبطه مجلس مخصوصى وكلاده بعد المطالعة لفاً صوب دولتلرينه ارسال قلنمش اوماغله مندرجاتنه نظراً واقع اوله‌جق ملاحظات عليه‌لرينك سريعاً اتيانى وملفوفنك اعاده‌سي همت.